HAY NAKU. (goodluck sa career)

naiinis ako sa trabaho ko ngayon, trabaho na rin general, iyong ginagawa ko, yung progress ng career ko, sa management.... grrrrrrrrrr..

Hindi na ako masaya sa ginagawa ko
naiinip, naiinis sa kanilang tarato
kumbakit di ko magawa pagiging mareklamo
pag para sa sarili ang ipaglalaban ko

maige pa pag bayan, ilalaban ng patayan
pati mga kababayan na nangangailangan
Lagi na lang bang dapat mag tiis
kimkimin sa dibdib ang paghihinagpis

ako nga ba ito na nagsisintemyento
parang di bagay sa image kong macho
pero tao lang ako at ako ay totoo
umiiyak, nasasaktan sa pambabalewala nyo

Hay Nako, ano ba ito
nabuburyong na ako
tulungan nyo ako
maghanap ng ibang trabaho

Ang tanong ko bakit ganito tong mundo ng tao
hindi ma appreciate ang mga kontribusyon mo
Kailangan ba talagang mag makaawa
samantalang sila ang nagpapakasasa

Dapat bang isigaw ang pagsasabi
E paano kung akoy isang pipi
at ikaw naman ay bingi
di na narinig aking pasabi

Baka ako rin ang may kasalanan
buong potensyal aking sinayang
talentong bigay ay di ginamit
kaya ngayon buhay ko ay may limit


francis dionisio
feb 5, 2011
my work...my like...my life...

PILIT NA SAYA

since katatapos laang ng pasko-hindi ng pagkabuhay kundi pasko ng pagsilang... mai post na rin itong isang tula. (maige pa siguroy tawagin ko na lang tugma or rhyme at hindi tula, sobrang igsi kasi) itoy ginawa ko noong akoy nanonoor/napasama sa isang christmas party sa isang siyudad rito sa gitnang silangan.. noche buena noon taong 2008. itoy napaka igsi, dahil sa celphone ko lang ito kinompose habang akoy nakatayo at nag oobserba... pero itong kathang ito ay applicable rin kahit rito sa al khobar o kahit saan mang bansa na may mga OFW.

gusto ko mang ragragan ay parang hindi na appropriate, walang inspirasyon, tsaka parang di maganda ang tema.. pasko tapos pilit na saya.... nasasayangan laang akong hindi i-share at mabasa ng iba ang rati ko ng nagawa at rumaan sa aking balintataw. baka sakaling akoy maging national artist sa pag popost ko nito eh. (Hello Carlo J.) ;P

=========
Ano ng nangyayari? Di ko talaga mawari
Ang kasayahan bay pwedeng gawing imbi?
Di naman sila masisi, kahungkagan kailangang iwaksi
Pagdaraos ng kapaskuhan, dapat pa ring ipagbunyi

Pagdiriwang ng pasko pilit bigyang silbi
Kahit kabarkada lang kapiling ngayong sandali
==========

wahahahaha.. nakakabitin...

Francis Dionisio
DXB Dec. 24, 2008

pero alam naman siguro ng karamihan na sponteneous gumana isip ko kaya iyong mga naka titik ng matunrong (?) na letra ay siya kong inihabol at ginawa just now. ;) . . . ini re arrange ko na pati..

==========
Pilit na Saya take 2

Ano ng nangyayari? Di ko talaga mawari
Ang kasiyahan bay pwedeng gawing imbi?
Pagdiriwang ng pasko pilit bigyang silbi
Kahit kabarkada lang kapiling diling sandali

Kanya kanyang toka sa mga gawain
Pagkat mesay hitik sa pagkain
May mga regalo rin para pagpalit palitin
At magsilbing sorpresa sa bawat panauhin

Malulutong na tawa narinig ng aking tenga
Pero sa pandinig ko itoy hungkag na ligaya
Kita ko rin sa kanilang mga mata
Pag asang sanay kapamilya ang kasama

pati pagraramit, tinodo na nila
nilabas na mga japorms na pamporma
sa ganon man lang mailabas ang saya
at makapag suot ng usong moda

pagtunog ng alas dose, oras sa kinalalagyan nila
dagliang tumahimik lahat at balana
aking inisip sa pinas kasi ay tapos na
pagpapakaligaya rito balewala na

Di naman sila masisi, kahungkagan kailangang iwaksi
Pagdaraos ng kapaskuhan, dapat pa ring ipagbunyi
Mensaheng aral na dala ni kristong hari
sa bawat puso siyang pa ring namamayani

DXBdec242008
KHOjan202010
==========

Boloy Big Brother's Room

Pagkakaibigang walang katulad
dito natutupad
Pag sa Al Khobar ikay naglakad
Lalot tiga Rizal dito ka ipapadpad

Kasayahang wala haplit
Dinaraos naming pilit
kanya kanyang diskarte aming gamit
upang huwebes at byernes dito na kami mapiit

kutakutakot na kalokohan inyong mamamasdan
bastat wag kang kukurap at magbibingibingihan
Makikita rito maraming kaganapan
Minsan drama pero kadalasay kasayahan

maraming catchline lumalabas rito
"kaya mo pa ba?" madalas marinig ito
kung sino mang nag sabi, dali na! hulaan nyo

Plastikan walang puwang sa amin
Pag pumasok ito buntal aabutin
Walang kwentang intriga, di namin pansin
lalo pat itoy tangay lang ng hangin

Di naman masabi grupong itoy perpekto
pero kwartong itoy para sa amin ay paraiso
Pagkakaiba ng personalidad ditoy aming tanto
dahil lahat kami rito ay pawang pasensyoso

maraming umalis marami ng dumating
aming pagsasamahan buong buo pa rin
Di man madalas makasama silay narito pa rin
kasangga lagi sa tagay na inumin

Yaring mga titik nilimbag bilang pugay
sa bahay at samahang nagbigay ng buhay
sa aming hungkag na ligayang ritoy kaagapay
dalangin namin saya sana ay walang humpay

Masyado ng humaba itong tula
aking inaasahang itoy bibigyang pula
subalit sa amin itoy balewala
taos pusong pasasalamat mula sa may akda.
==================
ang panget.. raw na raw.... di kasi mula sa puso eh.. hek hek hek..