Mother - My first poem (yata) for 2009…

Ang hirap mag press release at mangako…. Nag iinarte ang utak ko eh.. ayaw gumana pag susulat at pag su shoot……maige na laang at kahit papaano ay nakagawa ako…salamat ron sa mga mga bumabasa ng likha ko at "nangungulit" na mag sulat uli ako

…buti umabot pa yata sa mothers day 2009
=====================================
Mudra, mother bear, ina, mama, mommy, inang
Pahinging pamagat.. (wala akong maisip ng taytol)

Natatanging nilalang itong mga ina
Gagawin ang lahat para sa anak niya
Kahit anong kalokohan pa ang gawin nila
Titiisin lang kahit kaloobay nagdurusa

Silang mga nanay, bayaning tunay
Sa kadahilanang sila ang ating gabay
Pag abot sa panagarap sila ang tulay
Marapat na mahalin ng walang humpay

Balewala na kanyang giliw na asawa
Basta’t anak nya ang maging maligaya
Ibigay ang di kaya o kayay baliin ang panata,
Wag lang mabigo, pinakamamahal nyang bata

Awitin nilang giliw,Sarap alalahanin
Pag narinig ito, lutang ka na sa hangin
Kahit sintunado, mata mo’y pipikit na rin
Yan ang angkin at misteryong galing

Mahirap pala ang maging isang ina
Itoy narinig ko ng sinabi ng mahal kong asawa
Kaya naman kay mama, Hingi ko ay pasensya.
Taos pusong pagmamahal nais kong baunin nya

Francis dionisio
Al Khobar Saudi Arabia
March 22, 2009.

Mga Nanay - lighter side

heavy drama iyong isa kong tula tungkol sa mga nanay eh.. kaya naggawa ako ng medyo kwela at light sa buhay ng mga nanay.

======================
Itong si nanay, laging bida sa bahay
Kung anong sabihin di dapat masuway
Alingawngaw ng tenga bibig nyang kay ingay
Kaya naman si tatay sa labas tumatagay

Si nanay ang dapat laging reyna,
Ating siyang alayan lagi ng foot spa
Pati buhok, ating ipa rebond pa
Para kay tatay siyay bonggang bongga

Minsan rin naman si nanay ay inarte
Maraming drama sa buhay siyang sinasabi
Iyon pala namay wala lang pambili
Ng pang make up at iba pang kolorete

Fashionista talaga itong mga ina
Wag pabayaang katawan ay malosyang ha?
Kukoy ipalinis matapos maglaba
At sa tyangge, dali! humukay ng panrampa.

Pag nagkaedad na ay wag mag alala
Bilbil at taba ipag walang bahala
Wag ng pumunta sa Calayan’s klinika
Pagkat sa mata ni papa, kayo namay maasim pa

Ang mga nanay ngayon sa wari koy high tech na.
Pangaral sa anak tine text na lang nila.
Totoong nakaka relate sila sa teknolohiya
Marapat bigyan ng Iphone na maganda

Talent nila marami ng narating
Yung iba dyan ang galing sa blogging
Kaya naman si tatay minsan ander ang dating
Sa husay at galing nitong mga nanay natin.

Bow!
======================

francis dionisio
al khobar ksa
march 24 2009

Mama Co

Ginawa ko nuong Mothers Day
Corazon Dionisio San Jose Sta. Ana

itong si cora ang aking mama
Dado ang tawag ng iba sa kanya
Ngunit kahit ano pa ang itawag nila
Basta siya ang the best na ina

Regalong iniintay saka ko na lang po ibibigay
Pag uwi ko sa July, akin ng isasabay

Kabiyak kong si melody di ko pa nababati
Inuna ko na kayo para kayo ay mangiti

tsaka ko na laang ragragan ang aking tula (tugma)
Sapagkat ako ngayon ay maraming ginagawa.

maligayang araw ng mag ina po! I love you.
tawo

=== itoy sinend ko sa text awan ko laang kung maayos na nakarating sa cardona===
written June 4th, 2008 by d-francis