Ayaw mo na ba sa akin

aking naramdaman iyong panlalamig
parang bagang binuhusan ng tubig
naglalaho na ba maalab na pag ibig
nagbabagang damdamin di na maantig

kislap ng mata di ko na makita
di na kinikilig sa ating mga kanta
di na rin ngumingiti sa mga gawi kong kwela
dati ay iniihit ka pa nga sa katatawa

lumilipas na ba ang ating pag ibig
anong kadahilanan hindi ko malaman
nagkakasawaan at nahihirapan
o baka naman may iba lang nilalang

pag aaway natin ay dumadalas
mga isyu't usapin parang walang lunas
bakit ganto ang nangyayari
sumpaan kaya ay sadyang binabali?

kung may nagawa man akong pagkakasala
akoy patawarin mo na.
marami ka rin namang mga pagkukulang pa
pero iniintindi lang kita

nagiging ritwal na lang ating pagsasama
pagtupad na lang sa obligasyon ng nabuong pamilya
lambingan at harutan ay nawawala na
sigawan, tampuhan pumalit na eksena

kung sa wari mo ay di ka na masaya
sabihin mo lang, akoy daglian pipirma
ating pasuhin sinumpaang kontrata
ayaw kong nagtitiis tayong dalawa

ayaw mo na ba sa akin
sabihin mo lang at aking diringgin
kahit masakit itoy aking tatangapin
itutuloy ang buhay ng wala ka sa piling

francis dionisio
AK KSA
5/20/2011

Love Story Take 2-Pagpapatuloy ng Naunsyaming Kahapon

Valentines day and Cardona Town Fiesta, two memorable days for a take two love and romance.

Araw ng mga puso kamiy aksidenteng nagkita
Matapos ang ilang taong parang di magkakilala
Siyay lagi sa maynila sa pag aaral niyay abala
Ako namay sarap buhay, gala, inom, at barkada

Hindi inaasahan nagkasalubong sa perya
Nagkakahiyaan pa, pero kamiy nagbatian na
Aking sinubok aking mahikang dala
Kaya Inihater ko na hanggang bahay nila

Fiesta ng cardona akoy may lakad pala
Simbahan sa bayan, dali daling nagpunta
Owner ni papa siya kong dala dala
Mag aanak sa binyag sa batang si lyka

Pag pasok sa simbahan akoy gitlang gitla
Pagkat akoy huli na sa ginagawang seremonya
Di ko na tiningnan mga katuwang kong nakalinya
Naron pala siya, simple ang porma, pero maganda

Panay ang sulyap ko sa kinalalagyan niya
Laging nakatitig sa mukha niyang kay ganda
Alam nya namang tinitingnan ko siya
Dahil kita ko rin ang galaw ng mga mata

Pagkakataon nga naman, naisip ko bigla
Parang kamiy pinag adya ng tadhana
Niyaya ko siyang bumili ng regalo para kamiy sama na
kaya't pilit pinasakay sa owner na nakaparada

Habang sa kalsaday jinajamming ko na
Pagkatorpe koy di na inalala
Sanay na kasi kami sa isat isa
Kumbakit nga laang naghiwalay pa

Punta ng morong, nag shopping, nag tingin
Pagkakataong ito dapat ng sulitin
Minsan lang mangyari, muli siyang makapiling
Mahabang panahon na sinayang namin

Tuloy sa reception, kumain, tumulong
Pilit hinihintay ang tamang pagkakataon
Kailangang ko ng masabi at dapat matanong
Kung okey lang ituloy naunsyaming kahapon

dsa
ak ksa
02152010

Love Story take 1

Blast from the Past. a poem about love

still an old one.. wala pa talaga ako sa mood magsulat.. :(
pero nakapag sulat na rin naman pala ako ng tungkol sa pag ibig. :D

this is actually a series of Quatrain (?), na sinusulat ko as a testimonial for my wife...ibat ibang araw ko to sinulat.. isang quatrain (stanza) isang araw then matitigil for a week or so. minsan naman in a span of hours, 2 stanzas masusulat ko....

balak ko sa sanang isulat ang love story namin......well actually this is the first part mula pagkikita hanggang pagsagot. :D

============
lampas isang dekada na
mula ng siyay unang makita
sa isang subject ng siyensya
nagsusulat sya sa pisara

pinag masdan ko siya at kinilala
akoy namangha sa sulat nyang kayganda
isama pa ang aura nyang kakaiba
akoy biglang umasa na muli syang makita

mas ginusto ko pang pumasok ng maaga
para pagtaas ng bandila, di na ako pupunta
laging hiling muli kang makita
pagsulatin sa pisara ni mrs. Benda?a

agad akong kumilos, dagliang nagsaliksik
sikretong nagtanong,kung sino tong pumitik
sa pihikang puso ko, na bihirang pumisik

melody pala ang pangalan mo
ng malaman ko ito ay anong saya ko
sapat ng tumitig sa mukha mo
sapagkat di nila alam, napakatorpe ko

Di maintindihan kung anong tumama sa akin
Di ko rin malaman kung anong dapat gawin
Dapat bang ilabas ang tagong damdamin?
O piliting itago at wagas na kimkimin

pigil na damadamin di nakayang piitin
tropa ay niyakag upang siyay kilalanin
practice sa unit meet una ko siyang hinarap
at kiming nagsabi ng pagsintang ganap

tanda ko pang sukat, araw ng barn dance naganap
singkit kong mata sa kanyay humarap-sabay sa bewang nyay gagap
sa saliw ng tugtog dagling kinausap, sa damdamin anong sarap

matapos ang kasayahan, diretso uwian
siyay hinatid ko hanggang tarangkahan
duoy muling nagtanong at agad napasinghap
dahil sinabi nyang di nya na kaya pang magpanggap!