Ipis (ang pagkamuhi)

Ipis take 2

loko kang ipis ka
iniintindi pa naman kita
akala ko kakampi kita
bakit mo ako biglang tinira

ang sarap ng aking tulog
bigla mong binulabog
hakbang mo ay parang kulog
sa aking balat ay tumatalbog talbog

pambihira ka talaga
simula ngayon kalaban na kita
aking pipisain bawat makita
upang ang lahi mo ay masawata

gutom ka na ba talaga
sana na laang ay nagsabi ka
bibigyan pa naman kita
masarap na mismis ng empanada

ikaw talagang insekto
di ginagamit ang ulo
naghahanap ka yata ng gulo
at iyong kinagat aking braso

ito at maga na pati
di na rin mapigil ang kati
hindi pati ako mapirmi
gustong gusto ko ng gumanti

handa na ang sarili para giyera
baygon at boric aking sandata
ilang sandalil pa, siguradong tepok ka
tapusin pasumandali iyong pinsalang dala
kahit alam ko babalik ka pa..


DSA
AK KSA
6/4/2011