ALIPIN

Di ko naman talaga gawi
Gumasta ng dali dali
Kati ay kaya kong tiisin
Managinip lamang ng gising

Subalit naganap na
Unang kaskas, sa akiy nalista
Gitarang si Cobra
Siya ang dumonselya

Ayokong maging alipin
Subalit sinimulan ko ng gamitin
Perang plastic kung tawagin
Kailangan ko itong kontrolin

Andami ng nabaon
Sa perang plastic na iyon
Para itong kumunoy
Pag lumubog tuloy tuloy

Hanggat maaga pa
Mindset isaayos na
Bayaran na ang kaya
Minimum itsapwera ka!

Francis dionisio
Aug 30, 2009 930PM

Image credit to richard mukamo "Freedom"

GITARA

I just bought a Guitar!!!

Kanina pang salah
Akoy naka abang na
Sa tindahan ng gitara,
Papetiks petiks pa

Tatlumpong minutong nakatanga
Sa bintana ng tindahang adawliyah
Iniisip kung itutuloy na
Pagbili ng una kong gitara

Ako ngayoy atubili
Sa gitarang aking napili
Pang beginner lang naman
Yamaha kong tangan

Bukas na lang bonding namin
Kailangan ko pa kasing isaisahin
Mga awiting alam ko ng tugtugin
At mga kailangang kapain

Ay bakit nga ba, gitaray biglang nasinta
Tumamlay sa potograpiya, nag-abala sa musika
Gusto ko kasing gumawa ng kanta
Hayung tatatak sa isipan nila

Ayos to mga pare ko
Poetry, music and photography
Pagsasamasamahin ko
Ibat ibang sining aking karambolahin

Mula ngayon, si Cobra ang bida
Laging hahaplusin sa tuwituwina
Kailangang dagdagan aking kaalaman
Para di lang jetplane ang pangmalakasan

Francis dionisio
Aug 30, 2009
930PM
Alkhobar Saudi Arabia

LABADA AT BARKADA

naglilimbag, nagkakatha,
habang kaharap ko itong makina
inspirasyon talaga itong paglalabada
na sa misis ko ay akin ng namana

may gusto akong sabihin, pero di ko maibitaw
humihina na ata kukote ko at paggalaw
pakisamahan, tila lumalabnaw
pagkakaisa sa diwa wari koy pumapanaw

labada raw kasi, wika ni esmi
kusutin, kuskusin, wala ng dumi
kung gusto ko pa raw maging ubod ng puti
ibilad sa araw, ng mga ilang sandali

sadya naman talaga
pag iisip ay ibat iba
tama sa inyo, sa amin mali ito
talaga laang ibat iba tayo ng angking prinsipyo

nakakatuwa kasi ang maglaba
kahit madumi na, dagling lilinis pa
tampok, banlaw at saka kula
isampay na sa araw habang mainit pa

ano bang magandang gawain
balewalain kaya ang isipin
o lumayo na lang at lisanin
pero sayang naman, napundar na pa mandin

pagkatapos maglaba,
at sampay ay tuyo na
kailangan naman nating itoy plantsahin pa

dahil pag gusot ay wala na sa tingin anong ganra
pero pag gusot ay manhid, gamitan ng dahon ng saba
baka sakaling gusot ay tuluyang maplantsa na.

francis dionisio
aug.16, 09 10:42PM
al khobar ksa

TA-ARTITS NG BANSANG PILIPINAS

My take on the national artist SNAFU

Bakit naman ganto? Tanong ko sa sarili ko
Pagiging artista nagkakagulo pa tayo
Oo nga , me kanya kanya tayong punto
Ito naman ang akin, samo koy pakinggan nyo.

Kunsabagay, mabigat nga naman
Pagiging national artist ang pinaglalabanan
Sukdol langit, bida ang pangalan
Pag naibigay sa yo naturang karangalan

Kaya naman kandarapa ang ilan
Kahit mukha nila ay kapalan
May benefits kasing nakalaan
Mula sa kaban ng bayan

Ay kumbakit nga naman kasi
May proseso namang sinasabi
Pilit pa ring isinasaisantabi
Para laang silay isali

Ay bakit nga ba talaga?
Ano bang panuntunan nila?
National Artist Awards bay lokohan na?
Paramihan na lang ba ito ng kita? at palapitan ng koneksyon baga?

O bayan ko, ano na?
Pag asa bay talagang wala na?
Arteng libangan ko,
pinaglalaruan na rin pala nang mga ganid na pulitiko

pero teka, pulitika ba talaga
baka naman qualified sila
tingnan nga natin kapasidad nila
o sige, simulan ang pagbasa.

Basta masasabi ko, nakakatawang nakasusuka
Esensya ng arte ay nawawala na
Balewala na rin ang delikadesa
Basta mahirang na pambansang artista

-DSA-
aug92009
alkhobar