PABORITO

kelangan ba talagang merong paborito
bat di na lang gawin pantay pantay tayo
sama samang pagsaluhan at ating paghatian
kahit ano pa man ang maging kalagayan

masakit isipin na may naiiwan
kapag ikaw ay di napabilang
para bagang ikaw ay  luhaan
etsapwera lagi sa mga partihan

pagsimulan lang ng selosan
pag ang paborito ay nalaman
di maiwasan ang tampuhan
pagkat tayo namay mga tao lamang

di patas ang mundo nariyan na iyan
pero dasal ko sanay inyong pakinggan
pagkakaroon ng paborito ating pabulaanan
"favoritism" ikubli kung di man iwasan

pero kukunin ko to sa ibang perspektibo
na komo di paborito lubog na mundo mo
sa aking tingin, kaya mo kasing gawin
di ka na kailangan pang gabayin at alalahanin

dweynsantaana
alkhobar feb 22,2011
***************************
nakukuha ko na ang style ko sa pagsusulat.... napapansin ko na sa bandang huli ay inihahabol ko lagi iyong "other side of the coin" kahit confilcting....di ko alam kung tama o mali iyon sa "rules or guidelines ng arts or poetry/writing", pero ginagawa ko pa rin... kasi..... my work...my life...my like...

saan kaya pwedeng ipa critique ang mga sulat ko? me art or poetry class kaya.?? gustong gusto kong manoor sa conspiracy bar.. lagi lang akong nauubusan ng panahon.. at saka baka wala akong makasama na makaka dig ng mga usapan roon..

HAY NAKU. (goodluck sa career)

naiinis ako sa trabaho ko ngayon, trabaho na rin general, iyong ginagawa ko, yung progress ng career ko, sa management.... grrrrrrrrrr..

Hindi na ako masaya sa ginagawa ko
naiinip, naiinis sa kanilang tarato
kumbakit di ko magawa pagiging mareklamo
pag para sa sarili ang ipaglalaban ko

maige pa pag bayan, ilalaban ng patayan
pati mga kababayan na nangangailangan
Lagi na lang bang dapat mag tiis
kimkimin sa dibdib ang paghihinagpis

ako nga ba ito na nagsisintemyento
parang di bagay sa image kong macho
pero tao lang ako at ako ay totoo
umiiyak, nasasaktan sa pambabalewala nyo

Hay Nako, ano ba ito
nabuburyong na ako
tulungan nyo ako
maghanap ng ibang trabaho

Ang tanong ko bakit ganito tong mundo ng tao
hindi ma appreciate ang mga kontribusyon mo
Kailangan ba talagang mag makaawa
samantalang sila ang nagpapakasasa

Dapat bang isigaw ang pagsasabi
E paano kung akoy isang pipi
at ikaw naman ay bingi
di na narinig aking pasabi

Baka ako rin ang may kasalanan
buong potensyal aking sinayang
talentong bigay ay di ginamit
kaya ngayon buhay ko ay may limit


francis dionisio
feb 5, 2011
my work...my like...my life...

IPIS

habang aking nilalantakan
itong aking umagahan
mayroong isang ipis
daraan daan sa aking harapan

tila siya ay naiingit
sa cheese cup cake
at kapeng mainit

akin binigyan ng mismis
itong pobreng ipis
sa aking pagkainip
akoy napaisip

kawawa rin naman ang ipis
image niya napakanipis
pinandidirihan at kinaiinisan
marumi kasi kanyang paanan

eh kasalanan ba niya
na madumi daanan nya
kaya nga minsan, lumilipad sya
gamit ang mga pakpak nya

gusto nya lang naman
kumain ng malaman
mapuno ang sikmura
nang hindi mga basura

kahit nga mga katropa sa potograpiya
medyo ilang na i model siya
wala pati siyang kuha
kung saan gwapong gwapo siya

sabagay minsan talaga
kakabadtrip nga sila
pag nakagat ka
maga na at ang kati pa.
==============

hehehehehe. wala magawa... isang madalian laang.. first time ko gumawa ng di gaano rhyme.. actually gusto ko lang gawaing free verse o isang narrative blog na lang.. pero di ko maiwasan mag metro...

...anyway...my work...my like...my life... (i-register trademark at copyright ko nga itong ...my work...my like...my life...)

dwain
jan 27, 2011... 10:47AM
al khobar

NAKAKALITONG ULAN

Its raining here in Al Khobar..... i remember songs about rain... like:

•  rivermaya, cueshe, - ULAN
•  After image, TAG-ULAN
•  Maestro ryan cayabyab (as sung by regine, Eheads,at yung original na kumanta)-tuwing umuulan at kapiling ka
•  Donna Cruz-Rain

i think barry manilow has one, and many more..and i've heard songs like after the rain, raindrops keeps falling on my head, i'm singing in the rain, i made it through the rain.i can make it through the rain......

i thought i make my own creation about rain....its a mixture of light and heavy verses, typical of me... dont want it to be so light that is so commercial, dont want to to be so heavy that is "boring"... anyway.. my work.. my like.. .my life...

and here it goes....
=======

NAKAKALITONG ULAN

sa bawat patak ng ulan
na tumatama sa aking ulunan
ibat ibang pakiramdam
naglalaro sa aking isipan

ulan ay tinatali
minsan sa pighati
pero di dapat mamuhi
bagkus bumangon muli

paglalaro sa ulan aking naalala
panandaliang saya kanyang dala dala
subalit pag sumobra
itong ulan perwisyo na
putik at baha nya,
tao rin ang may sala

unang buhos ng ulan
laging inaabangan
biyaya kasing nakalaan
nabibitin sa sakahan

nababasa ang kapaligiran
kapag bumubuhos ang ulan
nadidilig ang kagubatan
pati ang kabukiran  . . (no pun intended) :D ;) . .

kapag naman may kasayahan
at biglang bumuhos ang ulan
dapat isipin bendisyon ng kalangitan
upang di masira ang pinaghandaan

Masarap ang kantahan kapag umuulan
mukha ay kapalan at magkasayahan
sa sintunadong tono tenga ay takpan
wag mapipikon pag nag alaskahan

di ko maintindihan
pahiwatig nitong ulan
biyayang walang pagsidlan
o kalungkutan at kahinaan

subalit alam ko
at akin lang ito
mabuti ang dulot nitong tubig sa paraiso
sa tahanan sama sama kumakain tsampurado

dweighn
january 26, 2011
al khobar saudi arabia

PILIT NA SAYA

since katatapos laang ng pasko-hindi ng pagkabuhay kundi pasko ng pagsilang... mai post na rin itong isang tula. (maige pa siguroy tawagin ko na lang tugma or rhyme at hindi tula, sobrang igsi kasi) itoy ginawa ko noong akoy nanonoor/napasama sa isang christmas party sa isang siyudad rito sa gitnang silangan.. noche buena noon taong 2008. itoy napaka igsi, dahil sa celphone ko lang ito kinompose habang akoy nakatayo at nag oobserba... pero itong kathang ito ay applicable rin kahit rito sa al khobar o kahit saan mang bansa na may mga OFW.

gusto ko mang ragragan ay parang hindi na appropriate, walang inspirasyon, tsaka parang di maganda ang tema.. pasko tapos pilit na saya.... nasasayangan laang akong hindi i-share at mabasa ng iba ang rati ko ng nagawa at rumaan sa aking balintataw. baka sakaling akoy maging national artist sa pag popost ko nito eh. (Hello Carlo J.) ;P

=========
Ano ng nangyayari? Di ko talaga mawari
Ang kasayahan bay pwedeng gawing imbi?
Di naman sila masisi, kahungkagan kailangang iwaksi
Pagdaraos ng kapaskuhan, dapat pa ring ipagbunyi

Pagdiriwang ng pasko pilit bigyang silbi
Kahit kabarkada lang kapiling ngayong sandali
==========

wahahahaha.. nakakabitin...

Francis Dionisio
DXB Dec. 24, 2008

pero alam naman siguro ng karamihan na sponteneous gumana isip ko kaya iyong mga naka titik ng matunrong (?) na letra ay siya kong inihabol at ginawa just now. ;) . . . ini re arrange ko na pati..

==========
Pilit na Saya take 2

Ano ng nangyayari? Di ko talaga mawari
Ang kasiyahan bay pwedeng gawing imbi?
Pagdiriwang ng pasko pilit bigyang silbi
Kahit kabarkada lang kapiling diling sandali

Kanya kanyang toka sa mga gawain
Pagkat mesay hitik sa pagkain
May mga regalo rin para pagpalit palitin
At magsilbing sorpresa sa bawat panauhin

Malulutong na tawa narinig ng aking tenga
Pero sa pandinig ko itoy hungkag na ligaya
Kita ko rin sa kanilang mga mata
Pag asang sanay kapamilya ang kasama

pati pagraramit, tinodo na nila
nilabas na mga japorms na pamporma
sa ganon man lang mailabas ang saya
at makapag suot ng usong moda

pagtunog ng alas dose, oras sa kinalalagyan nila
dagliang tumahimik lahat at balana
aking inisip sa pinas kasi ay tapos na
pagpapakaligaya rito balewala na

Di naman sila masisi, kahungkagan kailangang iwaksi
Pagdaraos ng kapaskuhan, dapat pa ring ipagbunyi
Mensaheng aral na dala ni kristong hari
sa bawat puso siyang pa ring namamayani

DXBdec242008
KHOjan202010
==========