MAMANG SUPLADO

Pirming tahimik, parang laging inip
Sinusukat mo ba ang kanilang mga isip
O talaga lang walang kang masabi
Kaya minabuti mo na lang kumali sa sang tabi

Ano ba talaga ang ipinagmamalaki
Medalya sa klase, maraming babae?
O tikas sa palakasan
Pati na sa inuman

Andaming sinubukan ibat ibang larangan
Kapag natutunan na biglang tinitigilan
Hanap uli ng ibang pagkakalibangan
Wala ka pa ring ipagmamayabang

Sa oras na bumigkas ng mga talata
Siguradong sigurado sa bawat kataga
Di man sadya laging merong nababada
Tinatamaan ng talim ng kanyang angking dila

Ang yabang mo naman
Di ka naman kagwapuhan
Tingin mo bay ikiy napakabuti
Hulog ng langit para sa mga babae

Bakit ka nga ba ganyan
Suplado at yabang kung tingnan
Anong meron sa iyong kalooban
At di mo ilabas ang katotohanan

Kahit ka suplado pare ko
Aliw naman sila sa mga gimik mo
Karisma ng pilyo pati na ang misteryo
Napakadali kung pagsama samahin mo

Pero di maitatatanggi
Ikaw ngay katangi tangi
Taob ang suplado mong imahe
Pagkat kita nila ang yong sarili

francis dionisio
march 28, 2010
ak ksa

MODERNONG PANITIKAN

wag nating kalimutan itong panitikan
aking payo sa ating kabataan
itoy ating bigyan ng panibagong higaan
ating painamin ang mga bagsakan

pwede na rin siguro maski usap kanto
basta sabihin mo pero sanay may tono
dapat rin naman balanse at ritmo
panitikan gagawin nating moderno

di na kailangan salita ay laliman
baka di ma dig lalong nalintikan,
manapay hindi magkaintindihan
kawawa naman itong panitikan

sa kabilang banda, pwede namang magsama
mula mababaw hanggang malalim na bara
basta ibang timpla, maiba lang ang lasa
happy tayong lahat, pati si florante at laura

sige na sulat na,
kahit pa nga tungayaw ilabas mo na
basta laang responsable ka
sa nilalaman at lalamnin ng yong mga letra

gusto ko sana marinig ang inyong diwa
di naman kailangangan magkatugma tugma
sa tula kasi may freeverse na sinasabi
ilabas ang isip wag ikulong sa isang tabi

kararaming topic at idea
pwede ang taglish, pakialam nila
tinitimplahan nga, experimento baga
para tayo ang alternatibong kakaiba

ibat ibang mukha itong ating panitikan
kahit ano pwedeng gawing tuntungan
pwede ang kwento basta me metro
isa pang porma ang awit at korido

basta laang wag nating kalimutan
ang mga nauna na sa panitikan
bigyan ang respeto ang mga batikan
wag pariringgan at iiwang luhaan

itong isip ko, ayaw talagang tantanan
kailangan raw iparating upang malaman
saligawsaw ng isip at nararamdaman
kaya inyo na lang pag pasensyahan

dweighn
ak ksa
03172010

SUGAONG (Sundalo at Pag-ong)

Litrato ng helmet at isang pag-ong
Aking nakita noong unang panahon
Imaheng nakapinta aking inalala
Bata kong isip ay naglalaro na

Nakatatawang isipin
Banraming pwedeng gawin
Gusto ko siyang interpretin
Larawang mensahe ay bitin

Ang helmet wari koy aksidenteng naiwan
Nang isang sundalo sa isang digmaan
Baka sundaloy muntik ng tamaan
Kaya takbo niyay nagkawindang windang

Pagkakataon nga naman
Dahil si pagong ay dumaan
Helmet tiningnan dagliang pinagmasdan
pwede na to! wika nyang may laman

Itong si pagong talaga
Akoy aliw sa kanya
Pawis na pawis pero nakangiti siya
Wasak sa tawa abot hanggang tenga

War is over una kong naisip
pag aaway na lagi sating pinipilit
sa sundalo at pagong aking nasilip
sa buhay ng tao itoy hindi sulit

make love not war ang tema nito
Tapos na ang gera magmahalan tayo
Kaya si pagong itong Helmet ng sundalo
Hinapangan niyang kinakabayo.

Hanggang ngayoy akoy natatawa
Sa konklusyon ng aking sapantaha
Di ko akalaing malalim na pala
Kaisipan ng tao kahit bata pa

Francis Dionisio
AK KSA
2282010

DAHIL SA 'YO

Intro:
Likha kong mundo
Nagbago dahil sa yo
Maraming gawi ko
Nabago dahil sa yo

Verse 1
Sanay nakinig na ako
Sa bulong ng hangin at kanilang mga payo
Nag ingat sana di nagtiwalang gaano
Dahil ikaw nga pala ay salbaheng totoo

Verse 2
Natuto na akong manabla ng tao
Takot na akong magtiwala ng todo
Baka abusuhin lang ang kabaitan ko
Kahit di naman ako kandidatong santo

Refrain:
Mga pananaw ko nabago dahil sa yo
Negatibo, positibo Tinimbang ng isip ko
Alam ko mabait ako, pero iyoy nabago
Iya'y Dahil Sa Yo! Sa kalokohan mo!

Chorus:
O Diyos Ko! Tulungan mo ako
Kailangan ko ngayon ang gabay mo
Dapat bang manalig ng husto
Para magtagumpay sa laban na to

Verse 3
Dahil sa Yo, ako rin namay natuto
Mga ibang salita, iba pang talino
pero di pa rin sapat ito
kapalit ng mga pinaggagawa mo

Verse 4
Pilit kong ibinabalik ang dating ako
Hindi ang makasariling gaya nito
kelangang bumalik normalidad ng buhay ko
sa tulong ng mga letrang nililikha ko

Outro:
Dahil Sa Yo
Namulat ako
Dahil Sa Yo
Nakilala ko ibang ugali ng Tao

dsa
AK SA
02212010

HAHAHA, HUHUHU, KABALIWAN

this is about a post in facebook wherein pictures of candidates for mayor&vice mayor in our municipality were posted. and my kababayan with all their guns (read mouth) blazing, feasted on giving their points, lambasting, giving out of line arguments and personal attacks on the candidates and even supporters-they are fighting each other.. i think it is rather pathetic.

=====================
ano bang kasalanan ng aking bayan
at mga anak niya ganto kinalabasan
subrang higpit ang panindigan
nawawala na pati ang respetuhan

prinsipyo't paniniwala ipaglaban nyo
pero wag kayong tumira ng wala s tiyempo
magbababag laang lalaki ang gulo
iisang mukha tayo, isaksak nyo sa isip nyo

ang ginagawa nyo nakaka turn off na masyado
litrato pa laang sumasambulat na kayo
subukan nyo kayang sabihin ng diresto
roon sa tinutusta ninyong mga kandidato

utak ng bata'at matanra pareho lang
para silang nauubusan ng paggalang
ugali nga natin ang maniste
pero sana naman maging responsable

kayo namang mga supporters kasi
masyadong maraming sinasabi
kayo kayo nag babangay
mga liders nyo namay nagkakamay

sabagay maige pa kayo sa manok
magsalubong laay sige ng panalpok
kayo namay pag may eleksyon lang patok
ang kakitiran ng utak dahil sa saltok

hindi naman inaalis na kayoy kumampi
sana laang makinig rin sa kabilang tabi
hindi naman kasi tayo bingi
maliban na laang kung may antutuli

gara ng buhay, sa pulitika kitay nag aaway
buksan nyo lang ang inyong bahay
lahat ng kandidatoy papasuking tunay
tiper pa kayo sa uusaping laway

pero kakaiba talaga ugali ng tiga cardona
di ko masasabing itoy napakaganda
sabihin na lang natin na itoy kakaiba
bahala na laang kung saan ito papunta

lagyan ko nga ng konting angas
inyong halukayin ang mga alingasngas
kahit noon, ngayon at bukas
at kung sinong makitaan ng butas
marapat laang na managot sa batas